*** Tunkar thawhlehni atanga Neihbawi Presbyterian kohhranin Chhandamna Camping a chhawng 2- na an buatsaihah Camper 50 lutin, vawiin zing hian an chhuak ang. Tin, Sihphir Presbyterian kohhran pawhin Crusade an pawh sei pawh Pathianni zan hian an zo ang. October thla tawp lam hian ruihhlo vanga harsatna nei te leh mamawhtu a piang tan Camping buatsaih an tum. Tin, UPC, Sihphir pawhin tunkar ningani zan khan Crusade an
neih an zo bawk. Tin, nizan atang khan Sihphir Bial Mission Department khawmpui vawi 15-na pawh an Biak
Inah tan a ni a, Pathianni zan thleng a awh ang.
*** Tunkar thawhlehni khan Vanapa Society (NLUP) hnuaia miten Gospel Centenary Hall, Sihphir Kohhranah IWTC training an buatsaih.
*** Dt.12.9.2011 nilaini hian H. Laldanglova,Fin.Secretary, Sihphir Branch YMA leh H.Lalfamkimi, Branch Committee member te chuan Venglai Biak Inah “Tiam tlat e” an ti dawn ta. YMA member a tam thei ang berin tawiawm i tum ang u khai Tin, dt. 26.9.2011hian M.S Dawngliana s/o Lalrinmawia Ralte (L), Biak In veng leh Malsawmzuali, d/o
Lalruala (L), Kawn veng te chuan Sihphir Kohhran Biak Inah ‘Tiam tlat e’ an ti bawk ang.
No comments:
Post a Comment