** Nizan khan VC leh YMA O.B ten VCP Inah Joint meeting an nei. Karleh thawhtan a Doctor Specialist rualin free Clinic an rawn neih tur lo dawnsawn dan tur an sawiho.
** Kumtin an neih thin dan angin naktuk Pathianni hian Presbyterian Kohhran, Sihphir Pastor Bial chhung a Sunday School Department hrang te chuan khawmpui an nei dawn a.Kohhran hrang hrang an tang tlang hlawm hle. An inkhawmpuina hmun tur te chu hetiang hi a ni : Beginners Deptt. - Sihphir Biak In, Primary Deptt. - Neihbawi Biak In
Junior Deptt. - Venglai Biak In, Inter & Sacrament - Vengthar Biak In, Tin, dt. 18.9.2011, karleh Pathianni hmang hian Senior Department te pawhin Sihphir Kohhran Biak Inah khawmpui an hmang ang.
** Tunkar nilaini khan Ni 100 inhlawh a ni 7 chhung thawhna hlawh sem a ni.
** Tunkar ningani khan Sihpir a NLUP dawngtu zawng zawngte Community Hall-ah kohkhawm an ni a. Aizawl lam atangin NLUP Implementing Board hotute leh concerned Department Officers te lokalin, mipuite hnenah zirtirna leh fuihna an rawn pe.
** Kar kalta Inrinni zan khan Pu H Lungmuana, Arpu vengte Cooker Litre 5 dawng, Vawksa chhum hmin sa an dahna chu an choka atangin Cooker chawpin a bo pil hmiah. Mak thei khawp mai !!
** Karleh thawhtanni khian Ha lam Doctor specialist rual mi 30 te chuan Community Hall-ah Free Clinic an rawn nei dawn a. Dar 10:00-ah tan a ni ang. A duh a piang tan pan theih an ni e. Heng Doctor te hi VC leh YMA lamin an lo buaipui ang.
** Nimin zirtawpni khan VCP Inah Electoral Roll revision neih a ni a, mi engemaw zat thun thar an ni. Aizawl lam atangin Officer te an lokal. He hunah hian YMA leh Party hrang hrang aiawh te an tel bawk.
No comments:
Post a Comment