§§§ Tv Lallawmkima s/o Chhanhima, Kawn veng leh Biakpari Ratu te chu tunkar Nilaini khan man hlanin an innei fel ta. Tin, dt. 10.11.2011, tunkar ningani khan Lalhrilliana s/o Thianghlimi, Kawn veng, Indian Railway Police a JCO
tanglai leh C Lallawmkimi d/o C Lalrinthanga, Biak In veng te pawh Sihphir Venglai Biak Inah an innei fel ta bawk.
§§§ Pu Dr Thanseia (Vety) Arpu veng chu hun engmaw chen an Department thil Training turin nimin khan New Delhi lamah a liam thla ta.
§§§ Tunkar thawhlehni khan Sihphir Venglai Branch KTP te chuan Pu H.Vanlalruata In slap chhungin hnatlang an nei.
§§§ Sihphir Higher Secondary School, pawl 12 in selection test an neih pawh an zo fel ta.
§§§ Karleh thawhtanni hian Govt. High School, Sihphir chuan HSLC exam Centre thar an nih lawmna an nei dawn a. Bialtu MLA Pu R Lalrinawma bakah Sihphir khaw pum VC te leh NGOs hruaitu te, STA ten an hman pui ang.
§§§ Pathianni kalta tlai khan Community Hall-ah NLUP hmutute koh khawm an ni a. Infuihna neih a nih bakah engmah kut thlak lo te chu 2nd installment pek an nih loh tur thu thleng a vaukhan lawk an ni. Sorkar lamin Sihphir hi Model Village a siam a tum vangin NLUP chungchangah pawh hruaitute an tang chho sawt hle.
§§§ Tunkar nilaini khan Vengthar YMA Hall-ah NLUP - Ar leh Vawk thlangtute kohkhawm an niin, 2nd installment
pek an ni.
No comments:
Post a Comment