§§§ Sakawrhmuituai Presbytery hmang tura lo chuang chhuak Pu H Vanlaldika, Rinchhan veng te nupa leh Tv C Lalremruata, Tlang veng te pawh missionary an thawhna hmun lamah an liam leh ta. Tv C Lalremruata hi tun Sakawrhmuituai Presbytery khan Synod-ah Pro Pastor hna a dil pui ang. Tling ngei turin duhsakna kan hlan e.
§§§ Venglai Kohhranin tunkar thawhtanni atanga Literature Week an hman chu naktuk Pathian ni zan hian an khar ang. Hemi pual hian Article leh Sermon inziahsiak an buatsaih. Tin, Neihbawi Kohhran pawhin Literature Week hi Camping follow-up in an hmang a. Zanin, naktuk Pathianni chawhnu leh zanah Literature pawimawhna lam inzitirna pualin hun an hmang chhunzawm ang. He Literature Week an hman hian Kohhran chhungkua maiah khawtlangah rah tha a thlen ngei kan beisei.
§§§ Sihphir Branch YMA Zaipawlten Music Video an siam mek pawh shooting zawh thawkhat a ni ta. Music Video
leh music track hi music lam a Sihphir pa chhuanvawr Pu Lalsangliana Dosel (Asanga) uluk taka a siam a ni a, hmuh a chakawm tawh hle.
§§§ October ni 31, Pathianni hmang hian Venglai Branch KTP te chuan Sumsuih Branch an tlawh dawn. Sumsuih hi Pastor Johana s/o Upa Laibata vawn mek Bial a ni. Tin, Sihphir Branch KTP te pawhin November thla hian Kolasib
Diakkawn Branch tlawh tumin ruahmanna an siam mek bawk.
§§§ Tunkar chho khan Chamdur quarry chungchang lehkha tar khawlaiah a tam hle a. Mipui lamah zawhna a ti tam hle.
§§§ Tv Lalfamkima s/o Sangthuami (L) Dinthar veng, Parva a Evangelist hnathawk mek chu retreat hmangin a lo haw chhuak mek. Karleh chho hian a hnathawhna hmun a pan leh ang.
§§§ Damlo na zual kan hriat te - Pu V Liansiama, Theihaingaw, Pu Rosiama, Ex. VCP, Biak In veng, Pu Rosanga s/o Aseni, Arpu Veng.
No comments:
Post a Comment