Sihphir, 15th October : Sakawrhmuituai Presbytery Inkhawmpui Vawi 26-na Inkhawmpui chu Pathian kalta zan khan tluang tak a zawh fel a ni ta. Sihphir Bial pawn atanga mikhual zan riak a lokal te hi mi 179 vel an ni. Tun khawmpui hian Pro Pastor Lalduhsaka chu kum 2012 a Pastor a nemngheh turin Synod-ah a thlen sak a ni ang. Tin, Upa R Saptawna, Biak In veng pawh Upa kum 50 nih tlin lawmpuina citation hlan a ni bawk. Presbytery hrang hrang rorelnaah Synodin a agenda a chhawpchhuah sak “ World Council of Churches (WCC) “chungchang chuan sawi a hlawh hle vek niin a lang bawk. Mizoram Synod hnuaiah hian Presbytery 43 (ram pawnah Presbytery 9) an awm mek a. Hun remchang a Inkhawmpui hmang tur Presbytery 5 an awm bawk.
Sakawrhmuituai Presbytery rorel hrang hrang zinga langsar zualah
- Saipum Hmar Veng Kohhranin Upa 2 leh Sihphir Venglai Kohhranin Upa 4 thlan an dilna te phalsak an ni.
Tin, “Upa thi te tuarpuina Certificate enthatna” tih Bukpui Bial atanga lut chu kum 2012 a hman theih turin Presbytery Standing Committee in lo bawhzuiin, a lo buatsaih ang.
“Sakawrhmuituai Presbytery huamchhung a Tual Upa thlan dan enthat thu” tih Sihphir Bial atanga lut pawh Pathian Biak Inkhawm hruaina bu phek 51 (chhut 10-na)/52-a sawi ang hian kal nise tih a ni.
Tin, “Kohhran Upa thi vui leh Biak In hawngtu-ah Presbytery Moderator hman tangkai ni rawh se” tih thu Lungdai Bial atanga lut pawh Pathian Biak Inkhawm hruaina bu hi kal dan tlangpui a ni bawk a. Kal dan pangngai hi a la tha e an ti.
“Moderator Kawr (Gown) thlak thu” Bukpui Bial atanga lut chu sawihona hi a tawk e tih a ni.
“Sihphir pastor Bial Aizawl Hmar Presbytery-a tel thu” Sihphir Bial atanga lut chu dil a nih ang hian remtih a ni a, Synod-ah kal zel rawh se tih a ni.
“Thingtlang Kohhran Biak In sakna Synod-in chak zawka ngaihtuah pui thu” tih Bukpui bial atanga lut pawh Synodah kal zel rawh se tih a ni.
Tin, “ATC-a zirchhuak ni lo Pro Pastor atana lak loh nise” tih N. Hlimen Bial atanga lut chu sawihona hi a tawk e tih a ni.
“Contract Missionary fate, Children Education Allowance (CEA) siam sak nise” tih Sihphir Bial atanga lut chu Synod Mission Board-ah kal zel rawh se tih a ni.
“Kohhran tin atangin Synod Palai tirh theih dan kawng zawn” thu Bukpui Bial leh Lungdai Bial atanga lut chu la kawpin a luh ang hian Kohhran tinin Synod Palai tirh theih dan tur Presbytery Secretary ten lo ruahman sela, Bial tin rawn hriattir se tih a ni.
“World Council of Churches (WCC) member nih chungchang” Presbytery ngaihdan Synod a thlen turah tuna kan awm mek dan hi a tha e tih a ni.
“Hmunphiah rate tha leh mumal zawk a hralhna kawng zawn” tih N. Hlimen Bial atanga lut pawh sorkar hmalak mekna a ni a, sawihona hi a tawk e tih a ni.
“Synod Higher Secondary School Boys Hostel changtlung zawk a enkawl nise” tih Sihphir Bial atanga lut chu Synod-ah kal zel rawh se tih a ni.
Kum 2012 Presbytery Inkhawmpui Programme
A hmun : Sihphir Vengthar Kohhran Biak In
A hun : October 10 - 14, 2012.
Thlarau lam thupui : ‘Pathian ram thlenna’ (Luka 17:21)
Moderator : Pastor Lalnunzira, Bukpui Bialtu
Secretaries : Upa Ronghaka Kawlni (Sr.) Lungdai
Upa Rothuama (Jr.) Sihphir Vengthar
Tresurer : Upa C Thachungnunga N.Hlimen
Statistician : Upa VL.Nunzira Sihphir
No comments:
Post a Comment