*** Camping nei dawn : October ni 17 atang hian Sihphir Presbyterian Kohhran chuan a mamawhtu a piang te tan an Biak Inah Gospel Camping an buatsaih dawn a. Rawngbawlna nei tur te chu Synod Revival Speaker Tv Lalhriatkima leh a hote “Prayer Team” an ni. Hun tha a awm lai hian a tam thei ang ber luh i tum ang u.
*** CM Running Trophy : 10th Chief Minister’s Running Trophy in YMA Culture Dance Competition chu tunkar ningani leh Zirtawp ni khan Lammualah neih a ni a. Zoram hmun hrang hrang a Branch 65 an tel. Chai, Cheraw
leh Chawn lamah te inel a ni. Inbuatsaihna lamah harsatna neuh neuhin min tlak buak mahse Sihphir Branch YMA pawh kan zahpuiawm bik loh hle. Lawmman lak te pawh kumtawp lam a YMA Chhang pual a programme chhunzawm nan tiin tun tumah hian Branch aiawh turin YMA Chhang lam han vawrh chhuah deuh bik an ni a.
Hunthawl petu an nu leh pa te, an zirtirtute chungah YMA chuan lawmthu a sawi tak meuh meuh a ni.
*** RTI Week zo : Mizoram a kum 5 zet hman ni ve tawh ‘Right to Information Week’, 5th October - 12th October chhunga hman chu Zoram hmun hrang hrangah hlawk thlak taka hman zawh a ni a, mipuiin RTI Act thatzia an
hmuhchian zual phah hle. He Week pual a thusawiin, Pu Laldingliana, IFS (Rtd.), Mizoram State Chief Information Officer chuan thangchak leh hmasawn chak chu te chu RTI hmang tangkai an ni zel a ti. RTI Act hmang hian
thil dik lo tam tak haichhuah a ni tawh a. Vengchhung kaihhnawih thilah pawh hman tangkai theih vek a ni RTI hmang a thil zawtchhuak duh leh finfiah duh chuan kan zawh duh subject concern Department a SPIO te hnenah form lak chhuah a, zawh duh fill-up hnuah thehluh leh mai tur a ni.
*** Zu man sak : Arpu Welfare te chuan Ramsangliana leh Ramfangzauva te zu engemaw zat an man sak a. Anni pahnih hi thla 3 chhung Arpu Area a khawsa lo tura chhuahtir an ni. YMA/VDP che Kan thudawnna-in a sawi danin
Laltlanhlua s/o Lalchanhlua, Kawn veng chuan Pu Biaknunnema, Kawn veng te pawisa Rs. 6,650/- a ruk avangin VDP ten an man a, a kut atang hian Rs. 4,820/ hmuh let leh a ni. Tin, tunkar nilai zan a Bike Silencer thlawn a T Section leh Ch Section area a bengchheng taka tlan kual chiam K Vanlalhruaia, Kawn Veng chu YMA leh VDP Duty ten nangching a an zilh hnuah a Bike an hren sak a. A ruk a a lo lakchhuah leh avangin tunkar ningani
zan khan ko-in an zilh. A intiamna angin tunhnuah vantlang zah lo taka a awm khum ngam leh a nih chuan a chungah leh a Bike chungah engpawh thleng se a chochhuahah an ngai tawh ang. VDP leh YMA lam hian standing hrat mi engemaw zat enthlak lai an nei mek bawk
No comments:
Post a Comment