■■■ Presbytery October ni 5, karleh nilaini atang hian Sihphir Kohhran Biak Inah Sakawrhmuituai Presbytery tan a ni ang.Kohhran pawl khat khawmpui mai tur mah nise khualkhua atangin khawmpui palai leh chhimtu an lokal teuh a rinawm a. Khaw hmel lanna pakhat a nih dawn avangin chhungkaw tinin mahni In leh a vel lo ti fai theuh ila. Khawlai en tur Bulb chhit pawh i uar thar zual teh ang. Zu zuar leh a In mite pawh hemi chhung na na hi chuan kan zia thup tum hram hram turin kan han inngen a ni e. Khawtlang hmel ti bal zawng a khawlai a intih buai emaw, mikhual tana hmuh hrehawm zawng a khawsa lo hram turin kan inngen tak meuh meuh a ni. Khual hmuh a hawtlang hmel tibal zawng a che lui te lakah VDP/YMA lam chuan thikthu tihchhiat hle an tum ang.
■■■ Convention hmang Kan thenawm Selesih a College of Veterinary & Animal Husbandry-ah tunkar nilaini atang khan Indian Society for Studies of Animal Repeoduction (ISSAR) Annual Convention neih a ni a. India ram hmun hrang hrang atangin mithiam rual an rawn fuankhawm. Ran inthlahchhawn lam a Scientist thawhhlawk zual te hnenah chawimawina hlan nghal a ni bawk. Khuallian atan Veterinary Council of India President Dr. Narayan Mohanty hman a ni a, khualzahawm atan Mizoram Veterinary Council President Dr. R Kapthuama hman a ni bawk.
He Convention denchhen hian India hmarchhak huamchhung a ran chi hrang hrang te chi a mang mai loh nan a
an inthlahpun dan tur chungchangah India ram pum huapin Symposium neih nghal a ni bawk.
■■■ EBT Hmang dawn Reserve Bank of India rawtna angin Mizoram Sorkar chuan Electronic Benefit Transfer (EBT) hman tumin ruahmanna a siam chho dawn. EBT hi hman a nih hunah chuan tanpuina leh subsidy sem thinah a huntakah a dawngtu turten awlsam takin an dawng thei tawh ang.
■■■ Kumthar Kut Tunkar thawhlehni atang khan Judaism te chuan kumthar Kut an hmang tan. Kar leh thawhlehni khian an tiak ang.
■■■ ATMA Ehibition Tunkar ningani khan Twins Market, Kawn vengah Aizawl Horticulture Division buatsaihin Aizawl District ATMA Exhibition - 2011 neih a ni. He Exhibition hi Pu R Lalrinawma, Bialtu MLA chuan hawngin, thlai chi hrang hrang entirsiakna neih zui a ni. Horticulture Department hian kuthnathawktute tan man man zawk a lei tur damdawi leh hmanrua an rawn chhawp chhuak nghal a, mipuiin an hlut hle.
■■■ Beihrual zo Kohhran hrang hrangin kawng hrang hrang a Beihrual an hman pawh an zo fel ta. Thlarau nun lamah an hlawk pui hlawm hle. Roman Catholic Kohhran te chuan October thla hian Beihrual an hmang ve thung ang.
No comments:
Post a Comment