Vengchhung khawi lo han vahchhuah leh han luhchhuahna velnaah hian zirlaibu piah lama naupang lehkhabu lo chhiar melh melh, news paper lo chhiar ta melh melh hi hmuh tur an vang thin khawp mai. Lehkhabu tha, mihring nun kawng hruai thei leh rilru puitlingna kawng a pui thei, ngaihtuahna ti zau thei tur lehkhabu tha tak tak a tam hle a. Kan va hmuh phak ve lohnaah an dah emaw, an utawk tur vawn emaw a nih chuan thuhran nise, chhungkaw hrang hrangah hian lehkhabu chhiar tur chhawpchhuah hi hmuh tur a vang thin hle.
Finna ti ziktluak theitu chu lehkhabu tha chhiar hnem hi a ni. Lehkha chhiar tlem na na te chu intifing hle mah ila kan finna hi a ziktluak thei lo fo. Tawnhriat ngahna atanga finna te pawh awm thei a ni a. Chumi tuaihriam leh zual theihna chu mithiam te ziah lehkhabu chhiar hnem te hi an ni. He khawtlang a chhungkaw tinte hian lehkhabu chhiar hi kan harsat tlang a, kan ngaisang lem lo hle tih a lanna chu kan inchhungkhur theuhah lehkhabu chhiar tur a vang pharh mai hi a ni thei awm e. Nu leh pate pawhin lehkhabu tha chhiar hnem turin kan fate kan fuih lem lo, an chhiar tur pawh kan lei sak ngai lem lo ni chuan a lang.
Zirna kawng a hma kan sawn mawh hle mai te, thalai rilru leh nunphung hrim hrim pawh a hniam viau nia lang te hian nghawng tha lo tak a nei mek a ni. Ngatinge thalai, hmel fel tak tak zingah khawlai a zu zuar awm tawk lek nia inhria te, zak hauh lova khawlai a zu rui chhur chhur mai te, ualau taka pawisa khel luih luih mai te kan tam em em mai le? A chhan nia lang chu kan rilru a hniam em vang a ni pakhat ang.
Chhuan lo awm leh tur atang tal a he khawtlang nunphungah hian ‘Change’ a thlen theih nan tun a kan nau te rilru hi sawizawi a ngai tak zet zet . Nu leh pate pawh tanlak a tul tak meuh meuh. An zirlaibu piah lamah an nun kawng hruai theitu tur lehkhabu tha chhiar hnem turin fuih ila, ngaihtuah sak lam pawh i uar thar ang u. Thilho lam mai mai lei sak nan cheng sang chuang awlsam taka kan sihchhuah sak zung zung thei a nih lai hian, lehkhabu tha, cheng za 50/- cheng 100 man lek lei tur pawh a kan tha a na ngawih ngawih thin mai te hi innghaihtuah thar a tha hle a ni. Kohhran/YMA Library te pawh hi kan hlut lo tlang narawh e !!
Finna ti ziktluak theitu chu lehkhabu tha chhiar hnem hi a ni. Lehkha chhiar tlem na na te chu intifing hle mah ila kan finna hi a ziktluak thei lo fo. Tawnhriat ngahna atanga finna te pawh awm thei a ni a. Chumi tuaihriam leh zual theihna chu mithiam te ziah lehkhabu chhiar hnem te hi an ni. He khawtlang a chhungkaw tinte hian lehkhabu chhiar hi kan harsat tlang a, kan ngaisang lem lo hle tih a lanna chu kan inchhungkhur theuhah lehkhabu chhiar tur a vang pharh mai hi a ni thei awm e. Nu leh pate pawhin lehkhabu tha chhiar hnem turin kan fate kan fuih lem lo, an chhiar tur pawh kan lei sak ngai lem lo ni chuan a lang.
Zirna kawng a hma kan sawn mawh hle mai te, thalai rilru leh nunphung hrim hrim pawh a hniam viau nia lang te hian nghawng tha lo tak a nei mek a ni. Ngatinge thalai, hmel fel tak tak zingah khawlai a zu zuar awm tawk lek nia inhria te, zak hauh lova khawlai a zu rui chhur chhur mai te, ualau taka pawisa khel luih luih mai te kan tam em em mai le? A chhan nia lang chu kan rilru a hniam em vang a ni pakhat ang.
Chhuan lo awm leh tur atang tal a he khawtlang nunphungah hian ‘Change’ a thlen theih nan tun a kan nau te rilru hi sawizawi a ngai tak zet zet . Nu leh pate pawh tanlak a tul tak meuh meuh. An zirlaibu piah lamah an nun kawng hruai theitu tur lehkhabu tha chhiar hnem turin fuih ila, ngaihtuah sak lam pawh i uar thar ang u. Thilho lam mai mai lei sak nan cheng sang chuang awlsam taka kan sihchhuah sak zung zung thei a nih lai hian, lehkhabu tha, cheng za 50/- cheng 100 man lek lei tur pawh a kan tha a na ngawih ngawih thin mai te hi innghaihtuah thar a tha hle a ni. Kohhran/YMA Library te pawh hi kan hlut lo tlang narawh e !!
No comments:
Post a Comment