Mi hlemhle leh eiruk hmangte hremna tur Jan Lokpal Bill avangin India ram a phu luih luih mek a. He Lokpal Bill passed a nih ngei theih nan leh duhthusam loh lai siamthat phut a nasa tak a hma la mektu Anna Hazare movement thlipui hi a tleh nasa hum hum hle. Eirukna avanga India ram (Mizoram ngei pawh) chhe sawt lutuk leh eiruho an ngampa lutuk mai si hian India mipui te a ti thinrim em em tawh a. Anna Hazare movement hi an zui phah hum hum a ni ber mai. Engeni Jan Lokpal Bill chu ? a tlangpui lo sawi dawn teh ang :
He Jan Lokpal Bill, eiruk hmang te hremna dan tur hi passed lo ni ta se Central-ah chuan “Lokpal” tia din a ni ang a. State hrang hrangah erawh “Lokayukta” tia din a ni ang. Supreme Court leh Election Commission angin a awm hrang ang a. Minister leh Sorkar Official ten an chim buai thei lovang. Eiruk thubuai neite chhuina hi eng case pawh nise kum hnih chhung a zawh fel ngei ngei tur a ni. Eiruk hmangte chu thubuai an neih atanga kum 2 chhungin Jail bang an zut ngei dawn tihna a nih chu. Eirukna atang a fihlim lo nia hriat an nih veleh an neih sum leh pai, bungrua etc. te pawh lak sak an ni bawk.
Sorkar Office reng rengah khua leh tuiten complaint an thehluh reng reng hi hun bitukah office lamin an zo fel ngei ngei tur a ni. Hun tiam chhung a an zawh loh chuan a buaipuitu Officer te hian pawisa tam tham tak an chawi tawh ang a. Complaint-tu hian chu pawisa chu zangnadawmna angin a chang hmak tawh mai dawn a ni. Case pending tih vel a hlauhawm tawh dawn avangin Police ho chung pawh a pik hle thei tawh ang.
Tualchhung inrelbawlna angah pawh development sum, hnathawk ang a lang eiruk then, vengchhung leh khawtlang sum diklo tak a hmang leh eiru te si te, ration lak then sak, ni 100 inhlawhna sum eiruk hmang te hrem nan he Jan Lokpal Bill hi a tangkai em em tawh bawk dawn a ni. Kum hnih chhungin Jail-a an luh hmak bakah, an thil neih pawh chhuh sak an ni nghal tawh ang.
Lokpal/Lokayukta chet dan leh hmalakna reng reng hi lang tlang vek tur a nih avangin thuruk engmah a awm thei lo. Lokpal Officer te laka lungawi lohna a awm chuan uluk taka chhui nghal a ni ang a. Thiamloh an chan chuan thlahnih chhungin an hna atanga ban nghal an ni ang.
CBI, Vigilance Department, anti-corruption branch etc. te hi Lokpal-ah an inchhung lut vek ang a. Lokpal hian thuneihna zawng zawng nei tawhin zalen takin, Officers, Politicians, Judges te lakah phuartu leh nawrtu awm miah lovin hremna a kalpui miah miah tawh mai dawn a ni. Eiru ngei a finfiah te chu Politician leh Sorkar hotu lawk, khawtlang hruaitu an ni emaw Sorkar remtihna tel lo pawhin man leh hrem theih an ni tawh ang. Tin, corruption au chhuah pui leh lungawilohna aupuitute himna hi Lokpal hian a ngai pawimawh hle dawn a. An chungah harsatna awm thei te enfiahin, venhimna thlengin a pe ang.
Sorkar leh Anna Hazare te hi vawi tam an inbe tawh a. Jan Lokpal Bill hian Prime Minister a huam tel tur leh tur loh chungchangah an lungrual theih loh avangin Hazare lam hian an mahni duhdan in Team Anna Jan Lokpal Bill an duang ta ngawt a. Chu chu sorkar pass tir ngei tumin an nawr ta a ni. Team Anna Jan Lokpal Bill-ah hi chuan Prime Minister thlengin kut a thlak thei dawn a. Sorkar erawh chuan Jan Lokpal Bill chhawpchhuah a tum mekah hian roreltu lu ber Prime Minister hi Democracy humhim nan Office a chelh chhung lai na na chu dinhmun derthawng thei zawng a hmalakna awm lo se an duh thung a. Team Anna Lokpal Bill erawh chuan hei hi a ngai thei lo thung. Sorkar leh miril te erawh chuan he Jan Lokpal Bill ha hriam lutuk tur hian nakin lawkah Constitution thlengin a ti derthawng thei a ngem? intih palh nan kan la hmang thei a ngem? Thuneihna hman sualna avangin nakin lawkah Democracy kan neih te hi a ti derthawng thei a ngem tih zirchian a, fimkhur taka pass tur a chhawpchhuah an duh vangin Team Anna te duh dan ang diak diak hi an pawm thei lova. Na taka innawrna a thlen phah mek a ni.
He Jan Lokpal Bill, eiruk hmang te hremna dan tur hi passed lo ni ta se Central-ah chuan “Lokpal” tia din a ni ang a. State hrang hrangah erawh “Lokayukta” tia din a ni ang. Supreme Court leh Election Commission angin a awm hrang ang a. Minister leh Sorkar Official ten an chim buai thei lovang. Eiruk thubuai neite chhuina hi eng case pawh nise kum hnih chhung a zawh fel ngei ngei tur a ni. Eiruk hmangte chu thubuai an neih atanga kum 2 chhungin Jail bang an zut ngei dawn tihna a nih chu. Eirukna atang a fihlim lo nia hriat an nih veleh an neih sum leh pai, bungrua etc. te pawh lak sak an ni bawk.
Sorkar Office reng rengah khua leh tuiten complaint an thehluh reng reng hi hun bitukah office lamin an zo fel ngei ngei tur a ni. Hun tiam chhung a an zawh loh chuan a buaipuitu Officer te hian pawisa tam tham tak an chawi tawh ang a. Complaint-tu hian chu pawisa chu zangnadawmna angin a chang hmak tawh mai dawn a ni. Case pending tih vel a hlauhawm tawh dawn avangin Police ho chung pawh a pik hle thei tawh ang.
Tualchhung inrelbawlna angah pawh development sum, hnathawk ang a lang eiruk then, vengchhung leh khawtlang sum diklo tak a hmang leh eiru te si te, ration lak then sak, ni 100 inhlawhna sum eiruk hmang te hrem nan he Jan Lokpal Bill hi a tangkai em em tawh bawk dawn a ni. Kum hnih chhungin Jail-a an luh hmak bakah, an thil neih pawh chhuh sak an ni nghal tawh ang.
Lokpal/Lokayukta chet dan leh hmalakna reng reng hi lang tlang vek tur a nih avangin thuruk engmah a awm thei lo. Lokpal Officer te laka lungawi lohna a awm chuan uluk taka chhui nghal a ni ang a. Thiamloh an chan chuan thlahnih chhungin an hna atanga ban nghal an ni ang.
CBI, Vigilance Department, anti-corruption branch etc. te hi Lokpal-ah an inchhung lut vek ang a. Lokpal hian thuneihna zawng zawng nei tawhin zalen takin, Officers, Politicians, Judges te lakah phuartu leh nawrtu awm miah lovin hremna a kalpui miah miah tawh mai dawn a ni. Eiru ngei a finfiah te chu Politician leh Sorkar hotu lawk, khawtlang hruaitu an ni emaw Sorkar remtihna tel lo pawhin man leh hrem theih an ni tawh ang. Tin, corruption au chhuah pui leh lungawilohna aupuitute himna hi Lokpal hian a ngai pawimawh hle dawn a. An chungah harsatna awm thei te enfiahin, venhimna thlengin a pe ang.
Sorkar leh Anna Hazare te hi vawi tam an inbe tawh a. Jan Lokpal Bill hian Prime Minister a huam tel tur leh tur loh chungchangah an lungrual theih loh avangin Hazare lam hian an mahni duhdan in Team Anna Jan Lokpal Bill an duang ta ngawt a. Chu chu sorkar pass tir ngei tumin an nawr ta a ni. Team Anna Jan Lokpal Bill-ah hi chuan Prime Minister thlengin kut a thlak thei dawn a. Sorkar erawh chuan Jan Lokpal Bill chhawpchhuah a tum mekah hian roreltu lu ber Prime Minister hi Democracy humhim nan Office a chelh chhung lai na na chu dinhmun derthawng thei zawng a hmalakna awm lo se an duh thung a. Team Anna Lokpal Bill erawh chuan hei hi a ngai thei lo thung. Sorkar leh miril te erawh chuan he Jan Lokpal Bill ha hriam lutuk tur hian nakin lawkah Constitution thlengin a ti derthawng thei a ngem? intih palh nan kan la hmang thei a ngem? Thuneihna hman sualna avangin nakin lawkah Democracy kan neih te hi a ti derthawng thei a ngem tih zirchian a, fimkhur taka pass tur a chhawpchhuah an duh vangin Team Anna te duh dan ang diak diak hi an pawm thei lova. Na taka innawrna a thlen phah mek a ni.
No comments:
Post a Comment