SIKUL HRANG HRANGIN ZIRNA AN TAN LEH TA

Sihphir, 4th February, 2012 : Zoram chhunga Sikul zirna In hrang hrang te chuan  zirna an tan leh ta. YMA General Conference, 2011 in Academic session hi Central pattern mil a kalpui ve tawh turin Sorkar ngen nise a tih angin Central YMA chuan Sorkarah a thlen a. Cabinet meeting chuan pawmin, Mizoram Academic Session thar atan April to March hman ve a ni tawh ang. Sihphir a sikul zirna In hrang hrang te pawhin academic session thar hmang tan turin tunkar atang hian Sikul an lut kim ve ta bawk. Mizo Medium aiin  English Medium an buk vek a, an dinhmun tlangpui kan hriat theih te chu hetiang hi an ni :

Sihphir Higher Secondary School - Principal Pu C Parmawia a ni. Zirtirtu 6 an awm. Class XI-ah 19, Class XII-ah 37 an nei mek a. HSSLC exam tur regular 20 an nei bawk.

 

Govt. High School, Sihphir - Kumin atanga HSLC exam Centre thar ni turah hian Pu Ch Sanglura, Headmaster hovin zirtirtu 9 ten Sikul naupang 55 zirna an tanpui dawn a. HSLC Candidates 33 an nei.

Sihphir Vengthar High School  - Pu R Lalrinawma, Bialtu MLA Fund atangin Sikul building mawi tak an sa thar a, Headmaster Pu Lalmalsawma a ni. Zirtirtu 7 leh naupang 84 an awm. HSLC Candidates 7 an nei.

SK Memorial School, Arpu - Kg to Class X thleng awmin Principal Pu Robert Rualzakhuma a ni. Zirtirtu 13 leh naupang 250 an awm. HSLC Candidates mi 15 an nei.

City English Academy, Arpu - Kumin atanga din tan he Sikul hian class VIII-X hawngin, Principal Pu G Lalchhanhima a ni. Zirtirtu 6 leh naupang 66 an awm.

Govt. M/S-I, Arpu - Headmaster Pu Lalrema a ni a. Zirtirtu 7 leh naupang 64 an awm.

Govt. M/S-II, Neihbawi - Pu Lalzuiliana Ralte, Headmaster a ni a. Zirtirtu 7 leh naupang 70 an awm.

Govt. M/S, Vengthar - Headmaster  Pu M Gangte a ni. Zirtirtu 9 leh naupang 100 an awm.

Young Learner’s School, Tlang veng - Nursery to Class VIII thleng awmin, Principal Pi Laldawngliani a ni a. Zirtirtu 9 leh naupang 100 an awm.

Little Buds School, Dam veng - Pi  Angie Lalnunmawii,  Headmistress a ni a, Zirtirtu 11 leh naupang 190 an awm.

Holy Angel’s School, Vengthar - Zirna lam a Sihphir khua bung thar kaipuitu kan tih hial he School Principal chu  Father Augustine C.L Biaksanga a ni. Kumin hian Class IX  an hawn belh. Zirtirtu 18 leh naupang 515 an awm.

Govt. P/S-I, Arpu - Headmistress  Pi Lalsangpuii Varte a ni. Zirtirtu 4 leh  naupang  35 an awm.

Govt. P/S-II, Kawn veng - Headmaster Pu Chhuanvawra a ni. Zirtirtu 4 leh naupang 35 an awm.

Govt. P/S-III, Tlang veng -  Pu Lalmuana, Headmaster a ni a. Zirtirtu 5 leh naupang 35 an awm.

Govt. P/S-IV, Neihbawi - Headmaster Pu H Vanlalruata a ni. Zirtirtu 4 leh naupang 20 an awm.

Govt. P/S-I, Vengthar - Headmaster Pu Lianzamlova a ni. Zirtirtu 7 leh naupang 40 an awm.

Govt. P/S-II, Vengthar - Headmaster Pu Lalduhawma Hlawndo a ni a. Zirtirtu 4 leh naupang 30 an awm.

   He thu buatsaih lai hian admission la ti lo naupang an awm nual avangin Sikul thenkhat Headmaster te hian an enrolment hi tlem a zawng a la danglam leh turah an ngai hlawm.