Vawiin thlenga min dampuitu kum 70, 80, 90etc te ka’n kawm chang hian nunhui mual liam hnu ngaiin, thangthar nun umphak chu hahtlak an ti. An vanglai leh Lal khua leh tuia val upa, zahawmna te, Lal rorelna hnuaia lungrual taka hma an lakna te an ngai thin. Hnathawh hun lai a nula tlangval engmah thawk lova zirlai pawh ni lo, leng rawlai mai mai te chu val upa leh Lal roreltute chuan lo lam hnaah kal chhuakturin an tir ngam a. Chung ang chu a nih avangin sikserh veite chu an feh tho va, thlamah te an mu thin. Lungrualna tha a va ni em !
Mitthi lumen, khawhar riahpui thuah te pawh hian inthlau an ti deuh a niang, hmanni a ka ti ti pui chuan, “Hei kum 90 lai ka ni tawh a, kan khuaah chuan tlang khawhar inriak hi mitthi dang an awm leh hma chuan thla thumte kan riak a”, a ti a. A sawi asawi a, Thasiama kha lo tho leh sela thangthar nun ning hian a thi leh tho vang a ti a. Heti hian a sawi zel a, “Hmanniah khawhar inah ka leng a; Kan thenawmah innei an awm a, ka kal leh a, thingpui semtute khan, tunlai tar ho hi a hang, a var an ti a, a buaithlak an ti a, ka zak khawp mai a ti .
Kei chuan, “E khai ka pu, a nih tak chu maw le ! Kum 70, 80, 90 te annih ve hunah chuan tuna an tih awm dan chu an bansan ngei tawh ang le”, ka ti a. YLA a nih lai kha chuan hun awl an hmang tha a, a hun ang zel hian boruak a awm ve a. Tunah YMA hming a han putah phei chuan thangthar nun thununtu atan a tha ta hlei hlei a. Amaherawhchu Pu Rokunga hla, kan Pi kan pu, mihuai, dan tha kha mawi kan ti tih hla ai khan Vai rim nam nun hian min chiah hneh ta niin a lang a. Hnutiang mual liamhnu kha koh kir leh theih a nisi lova, lung a leng a nih ber hi ka tih pui ve a.
Kan hranghlui, tun a kawtlai a lengthei, lu tuak var, tiang hawl a kal velte hian khawchhung an timawi a, inchhungah nise tualchai .lengchhuak peih tawh lo, khumah a changin an mu a, a changin an thu a. Ka pi, ka pu tih tura an lo awmte hian inchhung a va timawi em!! Chuvangin hnutiang mual liam hnu ngaiin an lung a leng hi ka hriatthiam pui em em a. An lung lenna avangin keipawh ka lung aleng thar leh thin a, hmanlai an ngai vawng vawngte hi ngaihawm a lo awm vang a ni.
Chhungtin deuh thawh hian thihna/chhiatna hi kan tawk deuh vek tawh mai thei a, a la tawk lo te pawh kan awm mai thei. Chhiat tawh ni chuan thinlung a vai a, lunglam kan mawl hui a, eng ber nge kan en pawh hre lo hian en ngai hi kan en ngut ngutmai thin a ni. Lunglen hnemtu kan ngai a, boral te chanchin sawi peih a piang hi kan hnimhnai duh khawp mai. Hetih lai hian chhiattawk te hnem tura nu leh pa, nula tlangval ten tuarpui niawm tak a Vanram ngaihna hla thinlung taka an han sa thuai thuai mai te hian lunglen a va hnem thin em aw!! Mahse tunhnaiteah khawhar inah riak tur Zo tlangval kan awm mang ta lo te ka ngaihtuah thleng a. Tunlai hun a ni ta a ni maw ti chung zelin, Veng paho inlungrualna leh lusunte hnem tur a an tu leh fa te, nupui duhtak te kalsan a puanthuah an han khai thar leh te hi an va fakawm tak em !! Mizo nih a va ti nuam tak em !! Khawiah nge Mizo Tlangval thian chhan thih ngamho kha le???
Mitthi lumen, khawhar riahpui thuah te pawh hian inthlau an ti deuh a niang, hmanni a ka ti ti pui chuan, “Hei kum 90 lai ka ni tawh a, kan khuaah chuan tlang khawhar inriak hi mitthi dang an awm leh hma chuan thla thumte kan riak a”, a ti a. A sawi asawi a, Thasiama kha lo tho leh sela thangthar nun ning hian a thi leh tho vang a ti a. Heti hian a sawi zel a, “Hmanniah khawhar inah ka leng a; Kan thenawmah innei an awm a, ka kal leh a, thingpui semtute khan, tunlai tar ho hi a hang, a var an ti a, a buaithlak an ti a, ka zak khawp mai a ti .
Kei chuan, “E khai ka pu, a nih tak chu maw le ! Kum 70, 80, 90 te annih ve hunah chuan tuna an tih awm dan chu an bansan ngei tawh ang le”, ka ti a. YLA a nih lai kha chuan hun awl an hmang tha a, a hun ang zel hian boruak a awm ve a. Tunah YMA hming a han putah phei chuan thangthar nun thununtu atan a tha ta hlei hlei a. Amaherawhchu Pu Rokunga hla, kan Pi kan pu, mihuai, dan tha kha mawi kan ti tih hla ai khan Vai rim nam nun hian min chiah hneh ta niin a lang a. Hnutiang mual liamhnu kha koh kir leh theih a nisi lova, lung a leng a nih ber hi ka tih pui ve a.
Kan hranghlui, tun a kawtlai a lengthei, lu tuak var, tiang hawl a kal velte hian khawchhung an timawi a, inchhungah nise tualchai .lengchhuak peih tawh lo, khumah a changin an mu a, a changin an thu a. Ka pi, ka pu tih tura an lo awmte hian inchhung a va timawi em!! Chuvangin hnutiang mual liam hnu ngaiin an lung a leng hi ka hriatthiam pui em em a. An lung lenna avangin keipawh ka lung aleng thar leh thin a, hmanlai an ngai vawng vawngte hi ngaihawm a lo awm vang a ni.
Chhungtin deuh thawh hian thihna/chhiatna hi kan tawk deuh vek tawh mai thei a, a la tawk lo te pawh kan awm mai thei. Chhiat tawh ni chuan thinlung a vai a, lunglam kan mawl hui a, eng ber nge kan en pawh hre lo hian en ngai hi kan en ngut ngutmai thin a ni. Lunglen hnemtu kan ngai a, boral te chanchin sawi peih a piang hi kan hnimhnai duh khawp mai. Hetih lai hian chhiattawk te hnem tura nu leh pa, nula tlangval ten tuarpui niawm tak a Vanram ngaihna hla thinlung taka an han sa thuai thuai mai te hian lunglen a va hnem thin em aw!! Mahse tunhnaiteah khawhar inah riak tur Zo tlangval kan awm mang ta lo te ka ngaihtuah thleng a. Tunlai hun a ni ta a ni maw ti chung zelin, Veng paho inlungrualna leh lusunte hnem tur a an tu leh fa te, nupui duhtak te kalsan a puanthuah an han khai thar leh te hi an va fakawm tak em !! Mizo nih a va ti nuam tak em !! Khawiah nge Mizo Tlangval thian chhan thih ngamho kha le???
No comments:
Post a Comment